ANG MATA: DI LIGTAS SA MGA EPEKTO NG GAMOT English Text

Bagama’t patuloy ang paglitaw ng mga bagong gamot para sa mga karamdaman sa katawan, marami ring di kanais-nais na “side effect” o “adverse effect” ang mga ito sa katawan, kasama na ang mga mata. 

Ang mga “steroid” gaya ng prednisone ay ginagamit sa napakaraming kondisyon, katulad ng asthma, mga sakit na allergy, at maging sa mga nagkaroon ng “organ transplant”.   Angmatagalang paggamit ng steroid ay maaaring magdulot ng katarata (“cataract”) at

posterior
Katarata (“posterior subcapsular
cataract”) dulot ng prednisone

pagtaas ng presyon ng mata (“glaucoma”)  na siyang nakasisira sa ugat ng mata.

Ang tuberculosis o TB ay laganap na sakit sa Pilipinas, at isa sa mga gamot dito ang ethambutol.  Ito ay maaring makaapekto sa ugat ng mata o “optic neuropathy”, na isa ring sanhi ng pagkabulag.

Ang chloroquine (Aralen) at hydroxychloroquine (Plaquenil) ay ginagamit sa paggamot ng mga sakit tulad ng “rheumatoid arthritis” at “systemic lupus erythematosus”. Ang matagalang paggamit nito ay maaring magdulot ng pagkasira sa pinakasentro ng pelikula ng mata (“macula”) na tinaguriang “bull’s eye maculopathy”.  Lumalabo ang paningin ng mata, lalo na ang gitna o sentro ng paningin, at naaapektuhan din ang pagkilala sa mga kulay.
ethambutol
bull's eye

“Optic Atrophy”
dulot ng ethambutol (A)
at “Bull’s Eye Maculopathy”
dulot ng chloroquine (B)
Marami pang mga gamot (at pati na rin mga herbal supplement) na maaaring magdulot ng side effect sa mata.  Bumisita sa Asia Pacific Eye Care Specialists (APECS) sa Room 3208 ng Annex II Building sa NKTI o tumawag sa 9269910 o 9243601 local 3208.  Handa po ang APECS na tumugon sa inyong mga pangangailangan.